«Ақмола облысы білім басқармасының жанындағы көпсалалы инновациялық колледжі» мемлекеттік коммуналдық қазыналық кәсіпорны.

Государственное коммунальное казенное предприятие «Многопрофильный инновационный колледж при управлении образования Акмолинской области».

«Ауылшаруашылық машинасына қызмет көрсету және жөндеу» құзіреттілігі бойынша өтетін «WorldSkills Kazakhstan – 2021» республикалық чемпионаты

08.11.2021

2021 жылдың 8 қараша күні «Красный Яр ауылы , агротехникалық колледжі» МКҚК-де «Ауылшаруашылық машинасына қызмет көрсету және жөндеу» құзіреттілігі бойынша өтетін «WorldSkills Kazakhstan – 2021» республикалық чемпионатының ашылу салтанаты өтті. Оқу орны келген қатысушыларға қонақжайлылық танытып, ерекше ықыласпен күтіп алды.

Аталмыш чемпионаттың ашылу салтанатына Ақмола облысы білім басқармасы басшысының орынбасары В. Гамазов қатысты. Көкше өңіріне келген қонақтарды чемпионаттың басталуымен құттықтап, қатысушыларға сәттілік тіледі. Коледж басшысы С.Сейткалиева өз құттықтауында қатысушыларға жеңіс тіледі.

Бес күндік чемпионат барысында «Ауылшаруашылық машинасына қызмет көрсету және жөндеу» құзіреттілігі бойынша 6 қатысушы өз шеберліктерін көрсетеді. Кәсіби шеберлік Чемпионаты жас кадрларды экономиканың өндірістік секторына тартуға және елдегі техникалық және кәсіптік білім беруді дамытуға ықпал етеді.

Конкурсқа қатысушыларды 6 оқу орнының 6 эксперт-компатриоты бағалайды.

WorldSkills мақсаты – жұмысшы мамандықтарының мәртебесін арттыру және шеберлік дағдыларын дамыту болып табылатын халықаралық коммерциялық емес қозғалыс. Әлем бойынша халықаралық сайыстар өткізу арқылы жұмысшы мамандықтарының мәртебесін арттыру. Маман тапшылығын азайтып, еліміздің бәсекеге қабілеттілігін арттыруға, инновациялық дамуына қосар үлесі зор. Жас мамандардың кәсіби дағдылары мен құзыреттіліктерін көрсетуге мүмкіндік беретін үлкен бағыт. Додаға түсіп,бақ сынасқан қатысушыларға тек қана жеңіс тілейміз!