Колледж студенттерінің ақпараттық-насихаттау тобымен кездесуі.

              2018 жылдың 8 қарашасында колледждің салтанат залында бірінші курс студенттерінің ақпараттық-насихаттау тобымен кездесуі өтті.

Жыл сайын өткізілетін бұндай кездесулердің студенттерге берері мол: атап айтсақ,  студенттерге діни қатынастар, діни ағымдар, экстремизм мен терроризмнің алдын алу саласындағы мәселелер бойынша бағыт-бағдар беріліп, қажетті ақпараттармен қамтамасыз етіледі, денсаулық саласында және мемлекеттік жастар саясатын жүзеге асыру саласындағы мемлекеттік бағдарламаларды іске асыру саласындағы мемлекеттік бағдарламаларға қатысты өзекті ақпараттарға қол жеткізуге мүмкіндік жасалды.

Кездесу барысында студенттерге Көкшетау қаласының Жастар ресурстық орталығы қызметінің бағыттары, атап айтқанда: еңбек және жұмыспен қамту саласындағы кепілдіктерді қамтамасыз ету; кәсіпкерлік қызметке жәрдемдесу; әлеуметтік қолдауды қажет ететін жастарға әлеуметтік көмек көрсету және т. б. туралы толық ақпарат берілді.

Кездесу өте әсерлі, танымдық жағынан да өмірден алынған нақты мысалдарға толы болып, студенттердің үлкен қызығушылығын тудырды.