"Үздік педагог - 2019"

Бүгін, 13 ақпан, Красный Яр ауылының №3 агротехникалық колледжінде "Үздік педагог - 2019" колледжішілік байқауы өтті. Қазылар алқасы конкурсқа қатысушыларды бірнеше бағыт бойынша бағалады: "Шеберлік шыңы – сабақ" атты ашық сабақтар панорамасын қарап, кейін "Менің педагогикалық философиям" атты қатысушылардың эссесімен танысты. "Әдістеме, дидактика, технология - педагогтың басты ұраны" атты әдістемелік құралдар мен әзірлемелер көрмесін тамашалады. "Мен – педагогпын, бұл деген..." атты шығармашылық өзін – өзі таныстыру арқылы қатысушылар барлық таланттарын, мүмкіндіктері мен шығармашылық қабілеттерін көрсете білді.

Студенттер байқаудың барлық кезеңдеріне белсене қатысты. Олар өз топ жетекшілері мен өндірістік оқыту шеберлерімен толқып, тыңдап отырды. Білім алушылар сабақ үзінділерін өткізу кезінде алған білімдері мен дағдыларын көрсетті, ал сахнада педагогтармен бірге ән айтып, би билеп, өлеңдер мен проза оқыды. Қазылар алқасы оқытушы А.Е.Тансықбаеваның дайындаған театр қойылымын ерекше атап өтіп, қатысушы – Благодарова Ангелинаны қазақ тілін жетік меңгерген үшін марапаттады.

Байқау нәтижесі бойынша Тлеужанов А. Ф. – өндірістік оқыту шебері "Талантты педагог" номинациясымен марапатталды, Есмагулова И. К. - өндірістік оқыту шебері "Шығармашылық педагог" номинациясымен марапатталды, Богуслова О. М. - өндірістік оқыту шебері "Өз ісінің шебері" номинациясымен марапатталды, Корнилова И. Н. - өндірістік оқыту шебері "Білікті педагог" номинациясымен марапатталды,                       Тансықбаева А.Е. – қазақ тілі мен әдебиеті оқытушысы "Жаңашыл педагог" номинациясымен марапатталды.

"Үздік педагог -2019" жеңімпазы қазақ тілі мен әдебиеті пәнінің оқытушысы Елеушова Мендигуль Жабаевна Гран-При иегері атанып, облыстық байқауда колледждің атын таныстыратын болады.

Барлық қатысушылар бағалы сыйлықтармен марапатталды.