Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
«Ақмола облысы білім басқармасының жанындағы көпсалалы инновациялық колледжі» мемлекеттік коммуналдық қазыналық кәсіпорны.
Государственное коммунальное казенное предприятие «Многопрофильный инновационный колледж при управлении образования Акмолинской области».
Ұлыстың ұлы күні – Наурыз мерекесі құтты болсын!
20.03.2019
Ағымдағы жылдың 20 наурыз күні «№3 Агротехникалық колледжінде» Ұлыстың ұлы күні Наурыз мерекесі тойланды. Оқу орны ғимаратының ауласына ұлттық мейрамның белгісі ақ боз үй тігіліп, сегіз қанатты кигіз үйдің ішіне ақ дастархан жайылды.
Студенттер арасында қазақтың ұлттық ойындары арқан тарту, асық ату, күрес, тоғыз құмалақ, бес тас ойындары бойынша сайыстар өткізілді. Қыздар арасында бауырсақ-шоу байқауы ұйымдастырылды.
Наурыз мерекесінің алғашқы құттықтау сөзіне де кезек берілді. Жиналған қауымды колледж директоры, Сейтқалиева Сайран Өмірзаққызы Ұлыстың ұлы күнімен құттықтады.
Мерекелік концерт өткізіліп ұлттық тағамымыз наурыз-көже, наурыз мерекесінің нышаны ретінде студенттерге алма және қызғалдақ таратылды. Барлық студенттер қатысып өз өнерлерін көрсетіп бір бірін наурыз мерекесімен құттықтады.
Іс-шараны ұйымдастырудағы негізгі мақсат – Наурыз мейрамын жастар арасында насихаттау. Ұмыт болған қазақ халқының салт-дәстүрлерімен ұлттық ойындарын жаңғырта отырып, өскелең ұрпақ бойына елжандылық сезімдерді қалыптастыру, ұлттық дәстүрлерге деген сый құрметтерін арттыру.
Ұлттық сайыстар мен байқаулардың жүлдегерлері арнайы сыйлықтарға ие болды. «Бауырсақ-шоу» сайысы бойынша:
ІІІ орынға – 32 эк тобы, ІІ орынға – 31 пов тобы, І орын – 21 эк тобы ие болды.
«Қазақ күресі» бойынша ер балалар арасында: ІІІ орын – Көңілашар Темірлан, ІІ орын – Нуржан Еламан, І орын – Сүлеймен Бердіхалық.
Қыз балалар арасында: ІІІ орын - Қайратбек Бақшагүл, ІІ орын – Талапова Настя, І орын – Төлеуханқызы Жадыра.
«Бес асық» ойыны: ІІІ орын – Сейтқазы Мадияр, ІІ орын Хайратбек Бахшагүл, ІІІ орын – Сыздықов Алмаз.
«Тоғыз құмалақ» ойыны: ІІІ орын –Мұқанжанов Аян, ІІ орын –Саликов Ернұр, ІІІ - Хайратбек Бахшагүл.
«Асық ату» ойыны: ІІІ орын – Омиров Ильдар, ІІ орын – Мачехин Евгений, І орын – Омирбек Ризабек.
«Арқан тарту» ойыны: ІІІ орын – 32 ф тобы, ІІ орын – 12 ф тобы, І орын – 22 ф тобы.
«Гір тасын көтеру»: ІІІ орын – Кәкім Нұрдәулет, ІІ орын – Каденов Еркебұлан, І орын – Трофимов Валерий.
Просмотров: 624