«Аграрлық бағыттағы колледждерді дамытудың өзекті мәселелері»

6 желтоқсан күні Красный Яр ауылындағы  №3 агротехникалық колледжінің базасында Ақмола облысы техникалық және кәсіптік білім беру ұйымдарының аграрлық бағыттағы әдістемелік бірлестігінің алғашқы отырысы өтті. Семинар-практикум «Аграрлық бағыттағы колледждерді дамытудың өзекті мәселелері» атты тақырып төңірегінде болды. Семинардың пленарлық бөлігінде колледждің әлеуметтік серіктестері, «Ұмай жер» ЖШС-нің директоры  Азамат Мерекеұлы Ельмаганов, ЖШС«Eurasia Group Kazakhstan» сервистік инженері  Омаров Хабиболла Рахметуллович  бүгінгі колледж түлектеріне қойылатын талаптарға кеңінен тоқталып өтті. Колледждің арнайы пән оқытушысы Ольга Михайловна Богуслова  «ЕСБ балаларға арналған білім беру бағдарламаларының ерекшеліктері» жайында баяндама жасап өтті. №1 құрылыс-техникалық колледжінің оқу өндіріс шебері  Кузьмина Наталья Анатольевна және №3 агротехникалық колледж оқытушысы Ирина Александровна ИвашкевичWorldSkills ұлттық чемпионатында қойылатын талаптар мен бағалау жүйесінің ерекшеліктері жайлы айтып өтті. Семинардың практикалық бөлігінде келесі құзыреттіліктер бойынша "Слесарлық іс", "Тамақтандыруды ұйымдастыру", "Сән технологиясы", "Флористика", "Сәндік-қолданбалы өнер" мастер-класс және  "Agroskills"аймақтық чемпионатына дайындық кезеңдері "Ауыл шаруашылығы машиналарын жөндеу және қызмет көрсету" құзыреттілігі бойынша колледжішілік кәсіби шеберлік конкурсының үзінді көрсетілді. Семинар қорытындысында қатысушылар пікір алмасып, болашаққа деген жоспарларымен бөлісті.