«Қазақ тілін латын әліпбиіне көшірудің өзектілігі» атты дөңгелек үстел

«Күн санап өзгеріп жатқан дүбірлі дүниеде сана-сезіміміз бен дүниетанымымызға әбден сіңіп қалған таптаурын қағидалардан арыл­масақ, көш басындағы елдермен тереземізді теңеп, иық түйістіру

мүмкін емес. Өзгеру үшін өзімізді мықтап қолға алып, заман ағымына икемделу арқылы жаңа дәуірдің жағымды жақтарын бойға сіңіруіміз керек». - Н.А. Назарбаев.

Елбасы Н.Назарбаевтың бастамасы бойынша 2025 жылдан бастап латын графигіне көшу жоспарлануда. Бүгінде латын әліпбиі - әлемдегі ақпарат, ғылым және технологияның алфавиті. Қазақ алфавитін латын әліпбиіне көшіру Қазақстанда тұрақты қоғам құруға және елдің әлемдік кеңістіктегі

танымалдылығын арттыруға көмектеседі.

Бұл мәселенің өзектілігіне байланысты 2018 жылдың 6 ақпанында «АТК№3» КММ-де «Қазақ тілін латын әліпбиіне көшірудің өзектілігі» атты дөңгелек үстел өтті.

Күн тәртібінде мынадай міндеттер қойылды:

1.     Қатысушыларға Қазақстан Республикасы Президенті Н.Назарбаевтың «Төртінші өнеркәсіптік революция жағдайында дамудың жаңа мүмкіндіктері» Жолдауының негізгі аспектілерімен таныстыру. (Астана, 2018 жылғы 10 қаңтар). Жауапты - Амзина СалияҚұрманқызы («АТК №3» КММ)

2.     Қазақстандағы латын әліпбиін енгізу тарихы - Саликов Жандарбек Хамитұлы («АТК №3»КММ  Қазақстан  тарихы пәнінің оқытушысы).

3.     Латын әліпбиіне көшу-заман талабы - Мағжан Жұмабаев атындағы МСУӘБ секторының меңгерушісі - Ербаева Айнаш Болатбекқызы.

4.    Латын әліпбиіне ауысудың қажетті аспектісі үштілдік  - Копишева Аида(«АТК №3» КММ I курс студенті).

Дөңгелек үстелде Көкшетау қаласының МРК-ның белсенді бөлімі, Мағжан Жұмабаев атындағы МСУӘБ  - секторының меңгерушісі Ербаева Айнаш Болатбекқызы, Көкшетау қаласының білім беру ұйымдары ҚММ төрағалары және біздің колледждің оқытушылар  мен студенттер белсенді қатысып отырды. Дөңгелек үстел нәтижелерін қорытындылай келе, барлық қатысушылар мемлекеттік тілді латын әліпбиіне біртіндеп көшіру туралы өз пікірін еркін білдіру мүмкіндігіне ие болды.

«АТК №3» КММ колледжінің оқытушысы Амзина С.К.  жиналғандардың барлығына осы іс-шараға белсене қатысқаны үшін алғысын білдірді.