Елбасымыз Н.Ә.Назарбаевтың «Болашаққа бағдар: рухани жаңғыру» бағдарламасын жүзеге асыру аясында Көкшетау қаласы мәдениет және тілдерді дамыту бөлімі өткізген «Үздік аудармашы» конкурсында Красный Яр №3 арготехникалық колледжінің студенттері белсенділікпен қатысты.
Аталған іс-шараның мақсаты өскелең ұрпақты патриоттық рухта тәрбиелеу студенттер мен оқушылардың шығармашылық қабілеттерін және аударма саласында практикалық дағдыларын қалыптастыру болды. Конкурстың шарты бойынша студенттер ұсынылған әңгімелер мен ертегілердің аудармасын жасады.
Конкурста жақсы нәтижеге қол жеткізгендері үшін І курс студенттері Р.Байбурова, А. Копишова және ІІ курс студенті Ш.Бейсенбаеваны мәдениет және тілдерді дамыту бөлімінің басшысы А. Сәбитова алғыс хаттармен марапаттап, естелік сыйлықтар табыс етті.