Студенттердің мемлекеттік стипендиясы туралы

Білім беру ұйымдарында білім алушыларға мемлекеттік стипендияларды тағайындау, төлеу қағидаларын және олардың мөлшерлерін бекіту туралы

Қазақстан Республикасы Үкіметінің 2008 жылғы 7 ақпандағы N 116 қаулысы.

     Ескерту. Тақырыбы жаңа редакцияда-ҚР Үкіметінің 2012.02.28 № 266 (алғашқы ресми жарияланғанынан кейін күнтізбелік он күн өткен соң қолданысқа енгізілген қаулысымен).

     Білім туралы Қазақстан Республикасының 2007 жылғы 27 шілдедегі Заңының 47-бабының 7-тармағын іске асыру мақсатында Қазақстан Республикасының Үкіметі ҚАУЛЫ ЕТЕДІ:

     1. Қоса беріліп отырған білім беру ұйымдарында білім алушыларға мемлекеттік стипендияларды тағайындау, төлеу қағидалары және  мөлшері.

     Ескерту. 1-тармақ жаңа редакцияда-ҚР Үкіметінің 2012.02.28 № 266 (алғашқы ресми жарияланғанынан кейін күнтізбелік он күн өткен соң қолданысқа енгізіледі).

     2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

     3. Осы қаулы қол қойылған күнінен бастап қолданысқа енгізіледі және ресми жариялануға тиіс.

    Премьер-Министрі

 Қазақстан Республикасының

Бекітілген:

Қазақстан Республикасының

Үкіметінің қаулысымен

2008 жылғы 7 ақпандағы N 116

 Ережесі

Білім беру ұйымдарында оқитындарға

мемлекеттік стипендияларды тағайындау, төлеу және олардың мөлшері

Ескерту. Ереже жаңа редакцияда-ҚР Үкіметінің 2012.02.28 № 266 (алғашқы ресми жарияланғанынан кейін күнтізбелік он күн өткен соң қолданысқа енгізіледі) қаулысымен.

1. Жалпы ережелер

     1. Осы білім беру ұйымдарында білім алушыларға мемлекеттік стипендияларды тағайындау, төлеу қағидалары және олардың мөлшерлері (бұдан әрі – қағидалар) "білім туралы" 2007 жылғы 27 шілдедегі Қазақстан Республикасының Заңына сәйкес әзірленді және білім беру ұйымдарында білім алушыларға мемлекеттік стипендияларды тағайындау және төлеу тәртібін, сондай-ақ олардың мөлшерлерін айқындайды.

  2. Осы Ереже Қазақстан Республикасының Президенті тағайындайтын стипендияларды, сондай-ақ Қазақстан Республикасының Үкіметі тағайындайтын мемлекеттік атаулы стипендияларды тағайындау және төлеу тәртібіне қолданылмайды.

     3. Мемлекеттік стипендия білім беру ұйымдарында мемлекеттік білім беру тапсырысы бойынша күндізгі оқу нысанында оқитын студенттерге, интерндерге, магистранттарға, докторанттарға, резидентура тыңдаушыларына, жоғары және (немесе) жоғары оқу орнынан кейінгі білім беру ұйымдарының дайындық бөлімдерінің тыңдаушыларына тағайындалады және төленеді

   Ескерту. 3-тармақ жаңа редакцияда-ҚР Үкіметінің 16.10.2018 № 651 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі)

 2. Мемлекеттік стипендияны тағайындау және төлеу тәртібі

    4. Мемлекеттік стипендия мемлекеттік білім беру тапсырысы бойынша оқитын, сондай-ақ мемлекеттік білім беру тапсырысы бойынша оқуға ауыстырылған, емтихан сессиясының немесе білім алушыларды аралық аттестаттаудың нәтижелері бойынша "жақсы", "өте жақсы" бағаларына сәйкес келетін бағалардың баламасын алған студенттерге, интерндерге, магистранттарға тағайындалады және семестр аяқталатын айдың соңына дейін қоса алғанда, емтихан сессиясынан немесе білім алушыларды аралық аттестаттаудан кейінгі айдың бірінші күнінен бастап ай сайын төленеді.

   Қазақстан Республикасы Үкіметінің 2018 жылғы 13 қарашадағы № 746 қаулысымен бекітілген Нәтижелі жұмыспен қамтуды және жаппай кәсіпкерлікті дамытудың 2017 - 2021 жылдарға арналған "Еңбек" мемлекеттік бағдарламасының бірінші бағыты шеңберінде білім алушыларға стипендия ағымдағы үлгерімінің нәтижелеріне қарамастан төленеді.
 Ескерту. 4-тармақ жаңа редакцияда-ҚР Үкіметінің 31.05.2019 № 359 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

    5. Мемлекеттік білім беру тапсырысы негізінде бірінші курсқа (оқудың бірінші жылына) қабылданған студенттерге, магистранттарға бірінші семестрде мемлекеттік стипендия тағайындалады және бірінші семестр бойы ай сайын төленеді. Келесі семестрлерде студенттерге, магистранттарға мемлекеттік стипендия емтихан сессиясының немесе білім алушыларды алдыңғы семестрге аралық аттестаттаудың қорытындылары бойынша тағайындалады және төленеді      
Ескерту. 5-тармақ жаңа редакцияда-ҚР Үкіметінің 31.03.2014 № 276 қаулысымен (01.04.2014 бастап қолданысқа енгізіледі).

     6. Мемлекеттік білім беру тапсырысы бойынша оқитын көзі көрмейтін және құлағы естімейтін мүгедектерге, жетім балаларға және ата-анасының қамқорлығынсыз қалған және қорғаншылықтағы (қамқоршылықтағы) балаларға мемлекеттік стипендия емтихан сессиясының нәтижелері бойынша академиялық берешегі немесе білім алушыларды аралық аттестаттау нәтижелері бойынша қанағаттанарлықсыз бағалары болмаған кезде төленеді. 

7. Жазғы емтихан сессиясының немесе білім алушыларды аралық аттестаттаудың нәтижелері бойынша Мемлекеттік стипендияға ұсынылған студенттерге, интерндерге, магистранттарға мемлекеттік стипендия жазғы каникул кезеңінде екі айға (шілде, тамыз) жиынтық түрде төленеді.

     8. Сынақтар мен емтихандарды білім беру ұйымдары белгілеген мерзімде дәлелді себептермен (ауру, отбасылық жағдайлар, дүлей апаттар) тапсырмаған студенттерге, интерндер мен магистранттарға білім беру ұйымының басшылығы білім алушыларға растайтын құжаттарды ұсынғаннан кейін сынақтар мен емтихандарды тапсырудың жеке мерзімдерін белгілейді, одан кейін оларға осы Қағидаларда белгіленген тәртіппен мемлекеттік стипендия тағайындалады.

     9. Кәсіптік практика, жазғы каникул кезеңінде, сондай-ақ студенттерге, интерндерге, магистранттарға жалақы төлене отырып, жұмыс орындары мен лауазымдардағы жұмыс кезеңінде мемлекеттік стипендия осы Қағидаларда белгіленген тәртіппен төленеді.

     10. Бір оқу орнынан екіншісіне ауыстырылған студенттерге, интерндерге, магистранттарға мемлекеттік стипендия оқу жоспарларындағы айырма жойылғаннан кейін осы Қағидаларда белгіленген тәртіппен тағайындалады және төленеді 

     11. Докторанттарға, резидентура тыңдаушыларына және дайындық бөлімдерінің тыңдаушыларына мемлекеттік стипендия оқудың бүкіл мерзіміне тағайындалады және ай сайын осы Қағидалардың 4-тармағына сәйкес төленеді.

     12. Медициналық қорытынды (дәрігерлік-консультациялық комиссияның қорытындысы) негізінде берілген академиялық демалыстарды қоспағанда, студенттер, интерндер, магистранттар, резидентура тыңдаушылары, докторанттар академиялық демалыста болған кезеңде мемлекеттік стипендия төленбейді.

     Академиялық демалыстан оралған студенттерге, интерндерге, магистранттарға, резидентура тыңдаушыларына, докторанттарға мемлекеттік стипендия тағайындау және төлеу алдағы (кезекті) емтихан сессиясының немесе білім алушыларды аралық аттестаттаудың қорытындылары бойынша және оқу жоспарларында айырмашылық болмаған жағдайда осы Қағидаларда белгіленген тәртіппен жүзеге асырылады.

     Науқастануы бойынша қайта оқу жылына қалдырылған студенттерге, интерндерге, магистранттарға, резидентура тыңдаушыларына, докторанттарға мемлекеттік стипендия оқу жоспары орындалған алдыңғы семестрдің қорытындылары бойынша кезекті емтихан сессиясының немесе білім алушыларды аралық аттестаттаудың нәтижелеріне дейін осы Қағидаларда белгіленген тәртіппен тағайындалады және төленеді.

     Туберкулезбен ауыратын студенттерге, интерндерге, магистранттарға, резидентура тыңдаушыларына, докторанттарға тиісті медициналық қорытынды болған кезде мемлекеттік стипендия еңбекке жарамсыздық кезеңі үшін, бірақ еңбекке жарамсыздық басталған күннен бастап он айдан аспайтын мерзімге белгіленеді және төленеді.

     13. Студенттерге, интерндерге, магистранттарға, резидентура тыңдаушыларына, докторанттарға жүктілігі және босануы бойынша демалыс кезеңіне мемлекеттік стипендия жүктілігі және босануы бойынша демалысқа кеткенге дейін белгіленген мөлшерде, Қазақстан Республикасының қолданыстағы заңнамасында белгіленген бүкіл мерзім ішінде төленеді
  Академиялық демалыс кезеңінде жүктілікке және босануға байланысты еңбекке уақытша жарамсыздық туралы анықтама ұсынылған кезде академиялық демалыс үзіледі және жүктілікке және босануға байланысты демалыс ресімделеді.
 Студенттер, интерндер, магистранттар, докторанттар, резидентура тыңдаушылары бала үш жасқа толғанға дейін оның күтіміне байланысты демалыста болған кезеңде мемлекеттік стипендия тағайындалмайды  Ескерту. 13-тармаққа өзгеріс енгізілді-ҚР Үкіметінің 31.03.2014 № 276 қаулысымен (01.04.2014 бастап қолданысқа енгізіледі).

  14. Стипендияларды тағайындау білім алушылардың үлгерімін бақылау жүктелген бөлімше басшысының қызметтік жазбасы (ұсынысы) негізінде білім беру ұйымы басшысының немесе оны алмастыратын адамның бұйрығымен жүргізіледі.

     15. Жеке тұлғаларға стипендияларды төлеу осы Қағидалардың 16-тармағында көзделген жағдайларды қоспағанда, ақша алушының таңдауы бойынша банкте ашылған ағымдағы шотқа олардың сомасын аудару арқылы жүзеге асырылады.

     16. Стипендияларды төлеу төлем карточкасын дайындау немесе екінші деңгейдегі банктерде ағымдағы шот ашу кезеңінде, сондай-ақ ұйымның орналасқан жері бойынша Екінші деңгейдегі банк, олардың төлем карточкаларына қызмет көрсететін пункттері мен құрылғылары болмаған кезде ұйымның кассасы арқылы жүзеге асырылады

     16-1. "Назарбаев Университеті" дербес білім беру ұйымының білім алушыларына стипендия тағайындау және төлеу тәртібі "Назарбаев Университеті"," Назарбаев Зияткерлік мектептері "және" Назарбаев Қоры "мәртебесі туралы"2011 жылғы 19 қаңтардағы Қазақстан Республикасының Заңына сәйкес айқындалады.

Ескерту. Ереже 16-1-тармақпен толықтырылды-ҚР Үкіметінің 30.12.2015 № 1134 қаулысымен (01.01.2016 бастап қолданысқа енгізіледі 

 3. Білім беру ұйымдарында оқитындарға мемлекеттік стипендияның мөлшері

   17. Мемлекеттік білім беру тапсырысы бойынша білім алушыларға ай сайынғы мемлекеттік стипендияның мөлшері:

    1) жоғары білімнің білім беру бағдарламаларын іске асыратын білім беру ұйымдарында оқитын студенттерге - 20949 (жиырма мың тоғыз жүз қырық тоғыз) теңге;

   2) интерндерге - 37945 (отыз жеті мың тоғыз жүз қырық бес) теңге;

   3) Магистранттарға - 53530 (елу үш мың бес жүз отыз) теңге;

  4) "Назарбаев Университеті" дербес білім беру ұйымында оқитын магистранттарға - 100 000 (жүз мың) теңге;

 5) докторанттарға - 81998 (сексен бір мың тоғыз жүз тоқсан сегіз) теңге;

  6) резидентура тыңдаушыларына және денсаулық сақтау магистранттарына - 61561 (алпыс бір мың бес жүз алпыс бір) теңге;

 7) Қазақстан Республикасы Жоғарғы Сотының жанындағы Сот төрелігі академиясының мемлекеттік органдардан оқуға жіберілген магистранттарына - соңғы жұмыс орны бойынша лауазымдық жалақы деңгейінде, бірақ мемлекеттік білім беру тапсырысы бойынша білім алатын магистранттар үшін белгіленген стипендия мөлшерінен төмен емес.

     Ескерту. 17-тармақ жаңа редакцияда-ҚР Үкіметінің 30.12.2015 № 1134 (01.01.2016 бастап қолданысқа енгізіледі); 03.06.2016 № 327 (алғашқы ресми жарияланған күнінен бастап қолданысқа енгізіледі) қаулыларымен.

 18. Техникалық және кәсіптік (училищелер, колледждер), орта білімнен кейінгі білімнің білім беру бағдарламаларын іске асыратын білім беру ұйымдары студенттерінің мемлекеттік стипендиясы жоғары білімнің білім беру бағдарламаларын іске асыратын білім беру ұйымдары студенттерінің ай сайынғы мемлекеттік стипендиясы мөлшерінің 80 (сексен) пайызы деңгейінде белгіленеді.

     Ескерту. 18-тармақ жаңа редакцияда-ҚР Үкіметінің 30.12.2015 № 1134 қаулысымен (01.01.2016 бастап қолданысқа енгізіледі).

19. Жоғары және (немесе) жоғары оқу орнынан кейінгі білім беру ұйымдарының дайындық бөлімдерінің тыңдаушыларына мемлекеттік стипендия мөлшері жоғары білімнің білім беру бағдарламаларын іске асыратын білім беру ұйымдарында оқитын студенттердің ай сайынғы мемлекеттік стипендиясы мөлшерінің 85 (сексен бес) пайызы деңгейінде белгіленеді.

 Ескерту. 19-тармақ жаңа редакцияда-ҚР Үкіметінің 16.10.2018 № 651 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

      20. Көзі көрмейтін мүгедектер мен құлағы естімейтін мүгедектер, жетім балалар мен ата-анасының қамқорлығынсыз қалған және қорғаншылықтағы (қамқоршылықтағы) балалар, сондай-ақ емтихан сессиясының нәтижелері бойынша тек "өте жақсы" бағалары бар студенттер мен магистранттардың ("Назарбаев Университеті"дербес білім беру ұйымында оқитын магистранттарды қоспағанда) жоғары мемлекеттік стипендия алуға құқығы бар.

    Мемлекеттік стипендияны жоғарылату мөлшері осы Қағидаларға қосымшаға сәйкес белгіленеді.     

 Ескерту. 20-тармаққа өзгеріс енгізілді-ҚР Үкіметінің 31.03.2014 № 276 қаулысымен (01.04.2014 бастап қолданысқа енгізіледі).

    21. Қазақстан Республикасының заңнамасына сәйкес мемлекеттік қамсыздандырудағы студенттер мен магистранттарға мемлекеттік стипендия тиісінше студенттер мен магистранттардың мемлекеттік стипендиясы мөлшерінің 50 (елу) пайызы мөлшерінде белгіленеді.

      22. Медициналық қорытынды негізінде академиялық демалыста жүрген студенттерге, интерндерге, магистранттарға, докторанттарға, резидентура тыңдаушыларына академиялық демалыс уақытына мемлекеттік стипендия докторанттардың, резидентура тыңдаушыларының, студенттердің, интерндердің, магистранттардың мемлекеттік стипендиясы мөлшерінен тиісінше 50 (елу) пайыз (мүгедектерге – 75 (жетпіс бес) пайыз мөлшерінде белгіленеді.

     23. Мемлекеттік стипендияларды төлеу тоқтатылады:

1)білім алушы оқудан шығару (шығару) себептеріне қарамастан білім беру ұйымынан шығарылған (шығарылған) жағдайда;

2) білім алушы қайтыс болған жағдайда;

3) оқуды аяқтағаннан кейін бітіру туралы бұйрық шыққан күннен бастап жүзеге асырылады.

24. Жағдайлар бойынша мемлекеттік стипендиялар төлеуді тоқтату,

осы Қағидалардың 23-тармағында айқындалған білім беру ұйымы басшысының тиісті бұйрығын шығару жолымен жүзеге асырылады.

Қосымша

тағайындау, төлеу және төлеу қағидаларына

мемлекеттік стипендиялар мөлшерлерінің

білім беру ұйымдарында оқитындарға

Мемлекеттік стипендияларды арттыру мөлшері

Ескерту. Қосымша жаңа редакцияда-ҚР Үкіметінің 30.12.2015 № 1134 (01.01.2016 бастап қолданысқа енгізіледі) қаулысымен.

Белгіленген проценттегі арттыру мөлшері

мемлекеттік стипендияның мөлшері, %

Техникалық және кәсіптік (училищелерде, колледждерде), орта білімнен кейінгі, жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарында оқитын көру қабілеті бойынша мүгедектерге және есту кемістігі бар мүгедектерге;

"Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы" Қазақстан Республикасының Заңына сәйкес теңестірілген техникалық және кәсіптік (училищелер, колледждер), орта білімнен кейінгі, жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарында оқитын студенттерге, магистранттарға және интерндерге;

Жетім балалар мен ата-анасының қамқорлығынсыз қалған және азаматтардың қорғаншылығындағы (қамқоршылығындағы) балалар қатарындағы техникалық және кәсіптік (училищелерде, колледждерде), орта білімнен кейінгі, жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарында оқитын студенттерге, магистранттарға және интерндерге;

Техникалық және кәсіптік (училищелер, колледждер), орта білімнен кейінгі, жоғары және жоғары оқу орнынан кейінгі білімнің білім беру бағдарламаларын іске асыратын білім беру ұйымдарында оқитын, емтихан сессиясының нәтижелері бойынша тек "үздік"бағалары бар студенттерге, магистранттарға (мемлекеттік атаулы стипендиялар мен Қазақстан Республикасы Президентінің стипендияларын алатын студенттерден басқа)

Қазақстан Республикасы  үкіметінің күшін жойған кейбір шешімдерінің тізімі: 

1. Білім беру ұйымдарында білім алушылардың жекелеген санаттарына мемлекеттік стипендиялар тағайындау және төлеу ережесін бекіту туралы Қазақстан Республикасы Үкіметінің 1999 жылғы 10 желтоқсандағы N 1903 қаулысы (Қазақстан Республикасының ПҮКЖ-ы, 1999 ж., N 54, 538-құжат).

      2. Қазақстан Республикасы Үкіметінің 1999 жылғы 10 желтоқсандағы N 1903 қаулысына өзгерістер мен толықтырулар енгізу туралы Қазақстан Республикасы Үкіметінің 2000 жылғы 12 тамыздағы N 1254 қаулысы (Қазақстан Республикасының ПҮКЖ-ы, 2000 ж., N 36-37, 430-құжат).

   3. Қазақстан Республикасы Үкіметінің 1999 жылғы 10 желтоқсандағы N 1903 қаулысына толықтырулар енгізу туралы Қазақстан Республикасы Үкіметінің 2002 жылғы 12 шілдедегі N 770 қаулысы (Қазақстан Республикасының ПҮКЖ-ы, 2002 ж., n 22, 234-құжат).

   4. Қазақстан Республикасы Үкіметінің 1999 жылғы 10 желтоқсандағы N 1903 қаулысына толықтыру енгізу туралы Қазақстан Республикасы Үкіметінің 2003 жылғы 21 мамырдағы N 473 қаулысы (Қазақстан Республикасының ПҮКЖ-ы, 2003 ж., N 21-22, 213-құжат).

   5. Қазақстан Республикасы Үкіметінің 1999 жылғы 10 желтоқсандағы N 1903 қаулысына толықтырулар мен өзгерістер енгізу туралы Қазақстан Республикасы Үкіметінің 2004 жылғы 5 наурыздағы N 286 қаулысы (Қазақстан Республикасының ПҮКЖ-ы, 2004 ж., N 12, 157-құжат).

 6. Қазақстан Республикасы Үкіметінің 1999 жылғы 10 желтоқсандағы N 1903 қаулысына өзгерістер енгізу туралы Қазақстан Республикасы Үкіметінің 2004 жылғы 5 қарашадағы N 1154 Қаулысы (Қазақстан Республикасының ПҮКЖ-ы, 2004 ж., N 44, 553-құжат).

    7. Қазақстан Республикасы Үкіметінің 1999 жылғы 10 желтоқсандағы N 1903 қаулысына толықтыру мен өзгеріс енгізу туралы Қазақстан Республикасы Үкіметінің 2005 жылғы 13 мамырдағы N 453 қаулысы (Қазақстан Республикасының ПҮКЖ-ы, 2005 ж., n 21, 250-құжат).

     8. Қазақстан Республикасы Үкіметінің 1999 жылғы 10 желтоқсандағы N 1903 қаулысына өзгерістер мен толықтыру енгізу туралы Қазақстан Республикасы Үкіметінің 2005 жылғы 26 мамырдағы N 515 қаулысы (Қазақстан Республикасының ПҮКЖ-ы, 2005 ж., n 22, 271-құжат).

© 2012. Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" ШЖҚ РМК